Kombëtarja e Shqipërisë tashmë është numri 36 në renditjen e FIFA-s. Ekipi shqiptar ka thyer kështu, rekordin e vet. Ky është rezultati më i mirë që kombëtarja kuqezi ka arritur, në të gjitha kohrat dhe përbën një rekord historik për ekipin tonë përfaqësues. Renditja e FIFA-s është publikuar, në faqen zyrtare të institucionit të futbollit botëror. Rezultatet e kombëtares së Shqipërisë, prej gati një viti kanë qenë mjaft pozitive dhe kjo ka tërhequr vëmendjen e specialistëve dhe mediave të huaja. Fitorja e fundit, në miqësoren kundër Francës më 13 qershor të këtij, ka ndikuar mjaft në ngjitjen që Shqipëria ka bërë në këtë renditje, për shkak të koefiçentit që kanë ndeshjet me skuadra të një niveli të lartë.Kombëtarja e Shqipërisë, është ngjitur me 15 vende në renditjen e përgjithshme të FIFA-s, duke grumbulluar 722 pikë, e pozicionuar në vendin e 36. Renditjen botërore e kryeson Argjentina, e ndjekur nga Gjermania, Belgjika dhe Kolumbia.
0 Komente:
Post a Comment