Portierët Berisha, Shehi dhe Frashëri janë stërvitur nën urdhërat e trajnerit të portierëve Ilir Bozhiqi. Ndërkohë 8 futbollistët e repartit të mbrojtjes kanë punuar me asistentit Tramexani duke aplikuar skemat e krosimeve në zonë, pasi Franca dhe Italia janë dy skuadra që punojnë shumë me krosimet nga krahët për të shfrytëzuar sulmuesit shtatëlartë. Ndërkohë trajneri De Biasi ka punuar me pjesën e mbetur të skuadrës, mesfushorët dhe sulmuesit, duke aplikuar mënyrën e daljes në kundërsulm të ekipit. Këtu bie në sy kërkesa e numrit një të stolit kuqezi për të luajtur me topin në tokë dhe me pasime të shpejta. Për herë të parë që nga starti i këtyre eleminatoreve 58 – vjecari ka lejuar që kamerat të ndjekin të plotë seancën stërvitore, ndoshta dhe nga fakti që kemi të bëjmë me dy miqësore.
Fryma liberale e italianit është vënë re dhe nga fakti që ekipi nuk ka darkuar në restorantin e kompleksit Tropikal ku është akomoduar por në një restorant të njohur të zonës. Megjithatë grumbullimi i ekipit vijon të jetë i shoqëruar me masa të rrepta sigurie, ku askush nuk mund të hyjë në ambientet e resortit ku qëndron ekipi, pa marë më parë konfirmimin nga stafi drejtues i Kombëtares Shqiptare.
0 Komente:
Post a Comment