Kombëtarja Shqiptare - “Patjetër që është vendim i padrejtë. Nuk është se kishim ndonjë pritshmëri të madhe nga Apeli, por gjithsesi ne do të vazhdojmë betejën për të marrë atë që na takon. Do t’u drejtohemi shkallëve të tjera, përkatësisht Gjykatës së Arbitrazhit Sportiv, ku besojmë se do të merret një vendim i drejtë”, ka thënë Ilir Shulku për “Kohën Ditore”.
Sekretari i Përgjithshëm i Federatës Shqiptare të Futbollit ka thënë se do të insistohet në marrjen e tri pikëve me rezultat zyrtar. “Ne kemi kërkuar nga Komisioni i Disiplinës dhe ai i Apelit që të marrim tri pikë me rezultatin zyrtar. Në këtë kërkesë do të qëndrojmë edhe kur t’i drejtohemi Gjykatës së Arbitrazhit Sportiv. Të gjitha faktet janë në anën tonë, vendimi i UEFA-s nuk është i argumentuar. Vendimi i sotëm vjen në kuadër të vendimit të parë, është në linjë të njëjtë dhe për ne është i papranueshëm. Ne vazhdojmë betejën për drejtësi dhe shpresojmë që ajo të vijë në fund”, ka shtuar Shulku. /PS/
0 Komente:
Post a Comment