Kombëtarja Shqiptare - Fitorja historike me Portugalinë në Aveiro ngritë përfaqësuesen e Shqipërisë në renditjen e FIFA-s. Kështu kuqezinjtë pozicionohen në vendin e 45 duke fituar plot 25 pozicione krahasuar me një muaj më parë.Suksesi në transfertë ndaj një kundërshtari që mban vendin e 11-të në klasifikimin e FIFA-s ka patur një koeficient shumë të lartë për formacionin e Gianni de Biasit, që arrin të lërë pas skuadra të tilla si Bullgaria, Hungaria apo edhe Japonia, që mori pjesë madje edhe në finalet e botërorit.
Bie në sy edhe rënia drastike e Armenisë, kundërshtares së Shqipërisë në eliminatoret e Euro 2016, që nga vendi i 36-të rrëshket në të 52 falë humbjes 2-1 në transfertë me Danimarkën. Pavarësisht suksesit ndaj armenëve, Danimarka humbet një pozicion, duke u renditur në vendin e 27, sikurse Serbia bie nga vendi i 31 në të 34, pas barazimit në miqësoren me Francën. Nuk lëviz nga vendi i 11 Portugalia, pavaërsisht humbjes turpëruese me Shqipërinë.
Përsa i përket 10-shes më të mirë vazhdon të kryesojë Gjermania e ndjekur nga Argjentinë, ndërsa Kolumbia e vendit të tretë fiton një vend duke spostuar më poshtë Holandën. Më pas renditen Belgjika, Brazili, Uruguaji, Spanja, Franca, me 10-shen më të mirë që mbyllet nga Zvicra.
Ndryshe, rekordin për pozicionimin më të mirë e mban në vitin 2013 kur u rangua si e 37-ta.
0 Komente:
Post a Comment